रियाल मड्रिडलाई पछि पार्दै बार्सिलोना शीर्ष स्थानमा, एथ्लेटिको पराजित
हाम्रा कुरा
प्रकाशित २०८१ चैत ४ सोमबार
867
Shares
काठमाडौँ । स्पेनिश ला लिगा फुटबलमा बार्सिलोना पुनः शीर्ष स्थानमा पुगेको छ । रियाल मड्रिडलाई गोल अन्तरले पछाडि धकेल्दै बार्सिलोना शीर्ष स्थानमा पुगेको हो ।
गएरातिको खेलमा बार्सिलोनाले एथ्लेटिको मड्रिडलाई पराजित गरेको छ । गएराति सम्पन्न खेलमा बार्सिलोनाले एथ्लेटिको मड्रिडलाई ४–२ गोल अन्तरले पराजित गरेको हो ।
यस खेलमा बार्सिलोना २–० ले पछि परेको अवस्थामा पुनरागमन गर्दै शानदार जित हासिल गरेको थियो ।
बार्सिलोनाको जितमा फेरान टोरेजले २ गोल गरेका थिए भने रोबेर्ट लेवानडोस्की र लामिन यमलले एक एक गोल गरेका थिए ।
त्यसअघि एथ्लेटिको म्याड्रिडका लागि जुलियन अल्भारेज र एलेक्जान्डर सोरलोथले एक एक गोल गरेका थिए ।
खेलको ७०औं मिनेटसम्म २–० ले अघि रहेको एथ्लेटिकोले त्यसपछि ४ गोल खाएको थियो ।
यो जितपछि बार्सिलोना लिगको शीर्ष स्थानमा उक्लिएको छ । बार्सिलोनाको २७ खेलमा ६० अंक भएको छ । त्यस्तै २८ खेल खेलेको रियाल मड्रिड ६० नै अंकसहित दोस्रो स्थानमा रहेको छ ।
त्यसैगरी एथ्लेटिको मड्रिडको २८ खेलमा ५६ अंक रहेको छ र लिगमा तेस्रो स्थानमा छ ।
