काठमाडौँ । विश्व फुटबलको सर्वोच्च निकाय फिफाले पाकिस्तानी फुटबलमाथि लगाएको प्रतिबन्ध हटाएको छ । गत फेब्रुअरी ६ मा लगाएको प्रतिबन्ध हटाएपछि पाकिस्तान यस महिनाको अन्त्यतिर एसियाली कप छनोटको लागि समयमै अन्तर्राष्ट्रिय फुटबलमा पुनः सामेल हुने भएको छ ।
फिफाले आफ्नो संविधानमा गरेको सिफारिस संशोधनलाई अस्वीकार गरेपछि पाकिस्तान फुटबल संघ गत महिना आठ वर्षभन्दा कम समयमा तेस्रो अन्तर्राष्ट्रिय निलम्बनको सिकार भएको थियो ।
फिफाले गत हप्ता लाहोर साधारण सभामा २०२७ एसियाली कपको लागि छनोट प्रतियोगितामा प्रतिस्पर्धा गर्न योग्य हुन समयमै सुधार गर्ने पक्षमा मतदान गरेपछि फिफाले प्रतिबन्ध फुकुवा गरेको हो ।
पाकिस्तानले मार्च २५ मा सिरियाविरुद्ध एसियाली छनोटको समूह ई अन्तर्गतको खेलमा खेल्दैछ ।
पाकिस्तान फुटबल फेडेरेसनले प्रतिबन्ध फुकुवा भएपछि भनेको छ, ‘हामी फिफा र एसियाली फुटबल महासंघ (एएफसी) लाई पाकिस्तान फुटबललाई निरन्तर समर्थन गरेकोमा धन्यवाद दिन्छौँ र पाकिस्तान फुटबल समुदायलाई हार्दिक बधाई दिन्छौं ।’
एएफसीले पहिले २०२७ एसियाली कप छनोटमा भाग लिन अनुमति दिन मार्च ४ सम्ममा प्रतिबन्ध हटाउनु पर्ने यसअघि जानकारी दिएको थियो ।
