रुँदै प्रकृतिका बुबा सुनीलले भने – मैले छोरी गुमाएँ, अन्य नेपाली विद्यार्थीमाथि दमन नहोस्
हाम्रा कुरा
प्रकाशित २०८१ फागुन ६ मंगलबार
1k
Shares
काठमाडौँ । भारतको उडिसास्थित भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा मृत फेला परेकी प्रकृति लम्सालका बुवा सुनील लम्सालले आफूले न्याय पाउने विश्वास व्यक्त गरेका छन् ।
मंगलबार बिहान भुवनेश्वर पुगेका लम्सालले भारतीय मिडिया एएनआईलाई भने, ‘मैले मेरी छोरी गुमाएको छु। धेरै अन्य बालबालिकाहरू यहाँ पढिरहेका छन्।मिडियाले केही विद्यार्थीहरूलाई होस्टेलबाट निकालिएको रिपोर्ट प्रकाशित गरेका छन् । यो सही होइन। यस्तो घटना फेरि हुनुहुँदैन। यी मानिसहरू नेपाल जान्छन् र विद्यार्थीहरूलाई यहाँ पढ्न बोलाउँछन्। संस्थाले उनीहरूलाई दुर्व्यवहार गर्छ। विश्वविद्यालय प्रशासनबाट कुनै प्रतिक्रिया प्राप्त हुन सकेन।’
लम्सालले उडिसा सरकार र प्रहरी प्रशासनमाथि विश्वास व्यक्त गर्दै आफ्नी छोरीको मृत्युको घटनामा न्याय पाउने आशा व्यक्त गरे। ‘मैले मेरी छोरीलाई उच्च शिक्षाका लागि यहाँ पठाएको थिएँ। हामीलाई आशा छ सरकारले न्याय सुनिश्चित गर्नेछ। हामीलाई सरकार र प्रहरी प्रशासनमाथि विश्वास छ।’
प्रकृति लम्सालको शव आइतबार साँझ उनको होस्टेलको कोठामा फेला परेको थियो। यद्यपि मिडिया रिपोर्टले भने उनलाई मारेपछि आत्महत्या बनाउनका लागि उनको होस्टेलको कोठामा शव लगिएको बताएका छन् ।
यसको अनुसन्धानका लागि ओडिसा सरकारले उच्चस्तरीय समिति बनाएको छ ।
