चिनियाँसँग खेल्दा आशिषको खुट्टा तीन ठाउँमा भाँचियो, शल्यक्रिया हुँदै, आठ महिना मैदान बाहिर [तस्बिर]
हाम्रा कुरा
प्रकाशित २०८१ फागुन ४ आइतबार
635
Shares
काठमाडौँ । नेपाली राष्ट्रिय युवा टोलीका मिडफिल्डर आशिष राईको खुट्टा भाँचिएको छ । चिनियाँ टिमसँगको मैत्रिपूर्ण खेलमा उनको खुट्टा भाँचिएको हो ।
त्रिपुरेश्वरस्थित दशरथ रंगशालामा शनिबार चीनको युनान प्रान्तीय टोलीसँग खेल्दा उनी विपक्षी टोलीका खेलाडीको ट्याकलमा परेका थिए । उनको तीन ठाउँमा खुट्टा भाँचिएको एन्फा प्रवक्ता सुरेश शाहले जानकारी दिए ।
बायाँ खुट्टाको नली तीन ठाउँमा भाँचिएपछि उनको बीएन्डीमा शल्यक्रिया हुँदैछ । ३७औं मिनेटमा युनानका मोरी मेडेले उनीमाथि ट्याकल गरेका थिए । उक्त ट्याकलपछि
उनी मैदानमै छटपटाएका थिए। उनलाई तत्कालै खुट्टामा ‘हट ब्याक’ राखेर स्टेचरमा मैदान बाहिर निकालिएको थियो।
त्यहाँबाट सानेपास्थित स्टार हस्पिटल लगिएको थियो । त्यहाँ उपचार सम्भव नभएपछि बीएन्डबी लगिएको हो ।
शाहले उनलाई निको हुन झण्डै आठ महिना लाग्ने भन्दै त्यतिन्जेलको सम्पूर्ण खर्च एन्फाले बेहोर्ने बताए ।
चिनियाँ नयाँ वर्षको अवसरमा भएको मैत्रीपूर्ण खेल नेपालले २–० ले हारेको थियो ।
