काठमाडौँ । अमेरिकी राष्ट्रपति डोनाल्ड ट्रम्पले तीन हाइप्रोफाइल व्यक्तित्वको हत्याका बाँकी फाइल सार्वजनिक गर्न कार्यकारी आदेशमा हस्ताक्षर गरेका छन् ।  पूर्व राष्ट्रपति जोन एफ केनेडी (जेएफके), उनका भाइ रोबर्ट एफ केनेडी (आरएफक) र नागरिक अधिकार नेता मार्टिन लुथर किंग जूनियर (एमएलके) को हत्याका बाँकी फाइलहरू सार्वजनिक गर्न कार्यकारी आदेशमा ट्रम्पले हस्ताक्षर गरेका हुन् । 

पूर्व राष्ट्रपति जोन एफ केनेडीको हत्यासँग सम्बन्धित रेकर्डहरूबाट जानकारीको निरन्तर सम्पादन र रोक लगाउने कार्य सार्वजनिक हितसँग मेल नखाने भन्दै उनले यी रेकर्डहरूको प्रकाशन लामो समयदेखि हुन बाँकी रहेकाले सार्वजनिक गर्न लागिएको बताए । यद्यपि कंग्रेसको कुनै पनि ऐनले सिनेटर रोबर्ट एफ केनेडी र रेभरेन्ड डा. मार्टिन लुथर किंग, जूनियरको हत्यासँग सम्बन्धित जानकारीको प्रकाशनलाई निर्देशन दिँदैन । 

प्रत्येक हत्यासँग सम्बन्धित सङ्घीय सरकारको स्वामित्वमा रहेका सबै रेकर्डहरूको प्रकाशन पनि सार्वजनिक हितमा रहेको ट्रम्पले बताए । कार्यकारी आदेशमा ट्रम्पले राष्ट्रिय गुप्तचर निर्देशक र महान्यायाधिवक्तालाई १५ दिन भित्र हत्यासँग सम्बन्धित रेकर्डहरूको पूर्ण प्रकाशनको लागि योजना प्रस्तुत गर्न निर्देशन दिनुभएको छ । संयुक्त राज्य अमेरिकाका ३५ औँ राष्ट्रपति जेएफकेको नोभेम्बर २२, १९६३ मा टेक्ससको डलासमा मोटरकाडमा सवार हुँदा हत्या गरिएको थियो । ली हार्वे ओस्वाल्डलाई हत्यामा पक्राउ गरिएको थियो । तर हत्याको दुई दिन पछि ओस्वाल्डको अचानक मृत्यु भएको थियो । १९९२ मा कंग्रेसले हत्यासँग सम्बन्धित सबै कागजातहरू २५ वर्षभित्र अक्टोबर २६, २०१७ सम्ममा जनतालाई उपलब्ध गराउनुपर्ने आवश्यकता राखेको थियो । 

जनवरी २०१७ मा शुरु भएको आफ्नो पहिलो कार्यकालमा ट्रम्पले कार्यकारी विभाग र एजेन्सीहरूबाट प्रस्तावित सम्पादनहरू स्वीकार गर्नुभयो । तर बाँकी सम्पादनहरूको निरन्तर पुनर्मुल्याङ्कन गर्ने आदेश दिए । ट्रम्पको उत्तराधिकारी जो बाइडेनले २०२१, २०२२ र २०२३ मा यी रेकर्डहरू सम्बन्धी पछिल्ला प्रमाणपत्रहरू जारी गर्नुभयो । जसले एजेन्सीहरूलाई कागजातहरूको समीक्षा गर्न र सार्वजनिक खुलासाबाट जानकारी रोक्न थप समय दिएको थियो । 

केनेडी परिवारका अर्का प्रमुख व्यक्तित्व, आरएफके अमेरिकी सिनेटर र महान्यायाधिवक्ताको रूपमा आफ्नो भूमिकाका लागि प्रसिद्ध थिए । सन् १९६८ मा डेमोक्रेटिक राष्ट्रपति पदको उम्मेदवारीको अभियानको क्रममा उनको हत्या भएको थियो । स्वास्थ्य तथा मानव सेवा सचिवका लागि ट्रम्पका मनोनीत रोबर्ट एफ केनेडी जूनियर आरएफके वरिष्ठका छोरा हुन् । 

एमएलके अमेरिकी नागरिक अधिकार आन्दोलनमा सबैभन्दा प्रमुख व्यक्तित्वहरू मध्ये एक हुन् । जातीय पृथकीकरण र असमानता विरुद्धको अहिंसात्मक अभियानप्रतिको उनको प्रतिबद्धता, साथै उनको प्रसिद्ध आई ह्याभ अ ड्रीम भाषणको लागि उनी प्रख्यात छन् ।