-
-
-
-
जयपुर । भारतको जयपुरमा एलपीजी ग्याँसले भरिएको ट्यांकर विष्फोट हुँदा कम्तीमा आठ जनाको मृत्यु भएको छ ।
एलपीजीको ट्यांकरलाई एक ट्रकले ठक्कर दिँदा भएको विष्फोटमा जलेर कम्तीमा आठ जनाको ज्यान गएको छ भने ४० गाडी जलेका छन् ।
तत्कालै जलेर पाँचको मृत्यु हुँदा अन्य तीनको उपचारका क्रममा मृत्यु भएको हो ।
३७ जना गम्भीर घाइते भएका छन् । घाइतेमध्ये आधा भन्दा बढीको शरीर ५० प्रतिशत भन्दा बढी जलेको छ ।
उक्त भयंकर घटनामा परेकाहरुको मृत्यु हुनेको संख्या बढ्न सक्नेसमेत बताइएको छ ।
घाइतेहरुको जयपुरको सवाई मान सिंह अस्पतालमा भइरहेको छ ।
घटनास्थलमा दुई सय मिटर लामो आगोको गोला बनेको प्रत्यक्षदर्शीले बताएका छन् ।
आगोको तातोका कारण थुप्रै मोटरसाइकल चालकको हेल्मेट पग्लिएर अनुहारमै टाँसिएकोसमेत भारतीय सञ्चारमाध्यमले बताएका छन् ।
