एनपीएलमा लुम्बिनी र विराटनगर मैदानमा, लुम्बिनी ब्याटिङमा
हाम्रा कुरा
प्रकाशित २०८१ मंसिर १९ बुधबार
402
Shares
काठमाडौँ । नेपाल प्रिमियर लिग (एनपीएल) टी–२० क्रिकेटको सातौँ खेलमा अहिले लुम्बिनी लाइन्स र विराटनगर किंग्स भिडिरहेका छन् ।
कीर्तिपुरस्थित टीयू क्रिकेट मैदानमा विराटनगरले टस जितेर बलिङ रोजेसँगै लुम्बिनीले पहिले ब्याटिङ गरिरहेको छ ।
लुम्बिनीको यो पहिलो खेल हो भने विराटनगरले तेस्रो खेल खेलिरहेको हो । विराटनगर यसअघिका दुवै खेल हारेर घाइते भएको छ ।
विराटनगर सुदूरपश्चिम रोयल्ससँग ९० रनले तथा जनकपुर बोल्टससँग ८ विकेटले पराजित भएको थियो ।
यसअघिका खेल
– छैटौँ खेलमा काठमाडौँ गुर्खाज विजयी भएको छ । काठमाडौँले कर्णाली याक्सलाई ४ विकेटले पराजित गरेको हो ।
– पाँचौ खेलमा चितवन राइनोजले पोखरा एभेन्जर्सलाई हराएको छ । पोखरा ८८ रनले पराजित भएको हो ।
– चौथो खेलमा सुदूरपश्चिम रोयल्सले विराटनगर किंग्सलाई ९० रनले हरायो । सुदूरले ७ विकेटको क्षतिमा १८२ रन बनाएकामा विराटनगर ९२ रनमा समेटियो ।
– तेस्रो खेलमा जनकपुर बोल्टसले कर्णाली याक्समाथि ८ विकेटको जित हासिल गरेको हो ।
–दोस्रो खेलमा चितवन राइनोज विजयी भएको छ । विजयी शुरुआत गर्ने क्रममा चितवनले काठमाडौँ गुर्खाजलाई ५ विकेटले पराजित गरेको हो ।
–उद्घाटन खेलमा जनकपुर बोल्टसले विराटनगर किंग्समाथि शानदार ८ विकेटको जित हासिल गरेको थियो ।
