काठमाडौँ । भोलिदेखि शुरु हुने नेपाल प्रिमियर लिग (एनपीएल) को लागि कीर्तिपुरस्थित टीयू अन्तर्राष्ट्रिय मैदानको तयारी अन्तिम चरणमा पुगेको छ ।
मैदानको पिचदेखि पहिलोपटक राखिएको डिजिटल स्कोर बोर्ड, दर्शकहरुको सुविधाका लागि फ्यान जोन र भीआईपी ठाउँको लागि अस्थायी पारापिट पनि निर्माण गरिएको छ ।
एनपीएल २०२४ मा विराटनगर, चितवन, जनकपुर, कर्णाली, काठमाडौँ, लुम्बिनी, पोखरा र सुदूरपश्चिम गरी ८ फ्रेन्चाइज टिमहरूले राउन्ड–रोबिन फर्म्याटमा प्रतिस्पर्धा गर्नेछन् ।
कुल ३२ खेलहरूको रोमाञ्चक यात्रा, त्रिवि क्रिकेट मैदानमा सम्पन्न हुनेछ ।
डिशहोमसँगको यो साझेदारी, नेपालमा क्रिकेटको नयाँ युगको शुरुआत भएको र नेपाली क्रिकेटको भविष्य उज्जवल बनाउनको लागि सशक्त कदम पनि भएको डिशहोमले जनाएको छ ।
साथै यस साझेदारीले डिशहोमलाई नेपाली क्रिकेटको उत्साह र समर्थन अझ सशक्त बनाउन नयाँ मार्गदर्शन प्रदान गरेको छ ।
एनपीएल को पहिलो सिजन १५ मङ्सिरदेखि ६ पुस (३० नोभेम्बरदेखि २१ डिसेम्बर) सम्म हुँदैछ । यसअघि ट्रफी सार्वजनिक भइसकेको छ ।
