- सुन चाँदी दर
- विनिमय दर
- नेपाली पात्रो
- राशिफल
काठमाडौँ । पाकिस्तानको संसदमा शुक्रबार अचम्म भयो । त्यहाँ सांसद र पत्रकारका जुत्ता चोरी भएका छन् । पाकिस्तानी मिडिया द एक्सप्रेस ट्रिब्युनको रिपोर्टअनुसार सांसद, पत्रकार र संसदका कर्मचारीका जुत्ता चोरी भएका हुन् ।
संसद परिसरमा रहेको मस्जिदमा नमाजका लागि गएका उनीहरुका जुत्ता चोरी भएका हुन् । चोरले २० जोडी जुत्ता चोरेर लगेको छ । सांसदहरु नाङ्गै खुट्टा संसदमा गएका थिए । सभामुख सरदार अयाज सादिकले उक्त घटना छानबिनका लागि आदेश दिएका छन् ।
सीसीटीभीको माध्यमबाट आरोपीहरुको पहिचान गर्ने कोसिस भइरहेको बताइएको छ ।
रक्षा मन्त्री ख्वाजा आसिफले यो चोरीको पछाडि भिखारी माफियाको हात रहेको आशंका गरेका छन् ।
पाकिस्तानमा महँगी बढेसँगै चोरी पनि बढेको रिपोर्टमा उल्लेख छ ।