-
-
-
-
काठमाडौँ । सभामुख देवराज घिमिरेले आज संसद सञ्चालनमा सहजता प्रदान गर्न शीर्ष राजनीतिक दलहरूको बैठक बोलाएका छन् ।
बैठक आज बिहान १० बजे सिंहदरबारमा बस्नेछ ।
बैठकमा प्रधानमन्त्री, नेपाली कांग्रेस, नेकपा एमाले लगायतका शीर्ष नेतृत्वहरू सहभागी हुनेछन् । बैठकले मंगलवार बस्ने प्रतिनिधि सभाको अवरोध अन्त्य गर्ने विश्वास लिइएको छ ।
सहकारी ठगी प्रकरणमा उपप्रधान एवं गृहमन्त्री रवि लामिछानेमाथि आरोप लगेपछि प्रमुख प्रतिपक्ष दलले संसद अवरोध गर्दै आएको छ ।
कांग्रेसले मंगलवारसम्मको समय सीमा दिई संसदीय छानबिन समितिको माग गरेको छ ।
मंगलवारसम्म संसदीय छानबिन समिति नबनाए संसद सञ्चालन हुन नदिने कांग्रेसको अडान छ ।
