काठमाडौँ । नयाँ गठबन्धनसँगै नेप्से परिसूचक आकासिएको छ । सोमबार एकैदिन ११७.७० अंकले वृद्धि भएको शेयर बजार २०७८ विन्दुमा पुगेर बन्द भएको छ ।
माओवादी–कांग्रेससहितको गठबन्धन भत्किएर माओवादी–एमाले सत्ता गठबन्धन बनेसँगै सोमबार शेयर बजारमा उछाल आएको हो । सोमबार ६ प्रतिशतले शेयर बजार बढेको हो । सोमबार बजारमा दुईपटक सकारात्मक सर्किट लागेको थियो ।
यसदिन २३७ कम्पनीको ९ लाख ३४ हजार ९१९ कित्ता शेयर किनबेच हुँदा ३ अर्ब ७५ करोड २० लाख ९ हजार ९७८ रुपैयाँको कारोबार भएको छ ।
यसदिन २३० कम्पनीको शेयर मूल्य बढेको छ भने २ कम्पनीको शेयर मूल्य घटेको छ ।
