सूर्यदर्शन सहकारी ठगी विषयमा पूर्व डीआईजी जोशीको घरमा छापा

सूर्यदर्शन सहकारी ठगी विषयमा पूर्व डीआईजी जोशीको घरमा छापा

हाम्रा कुरा

प्रकाशित २०८० माघ २५ बिहिबार

तस्बिर – सांकेतिक ।

काठमाडौँ । सूर्यदर्शन सहकारीले ठगी गरेको विषयमा नेपाल प्रहरीले पूर्व डीआईजी छविलाल जोशीको काठमाडौँस्थित घरमा छापा मारेको छ ।

बुधबार साँझ शंखमुलस्थित घरमा छापा मारेर महत्वपूर्ण दस्तावेजहरु बरामद गरेको प्रहरीले जनाएको छ । सूर्यदर्शन सहकारीका अध्यक्ष गितेन्द्रबाबु राईका व्यापारिक साझेदार पूर्व डीआईजी जोशीको घरमा रहेका महत्वपूर्ण सामग्रीलाई सुरक्षित गरेर पोखरा पठाउने भएको छ ।

काठमाडौँ परिसरको टोलीले छापा मारेको भए पनि यसलाई गोप्य राखिएको छ । पोखराको सूर्यदर्शन सहकारीका ठगी प्रकरणका रवि लामछानेविरुद्ध पनि उजुरी परेपछि प्रहरीले गितेन्द्रबाबु राईका मुख्य साझेदारको घरमा छापा मारेर महत्वपूर्ण कागाजात बरामद गरेको हो ।