-
-
-
-
पोखरा । डिफेण्डिङ च्याम्पियन संकटालाई पाखा लगाउँदै विभागीय टिम त्रिभुवन आर्मी पोखरामा जारी तेइसौँ आहा रारा पोखरा गोल्डकपको सेमिफाइनलमा प्रवेश गरेको छ ।
पोखरा रंगशालामा आज भएको दोस्रो क्वाटरफाइनल खेलमा आर्मीले संकटालाई २-० गोलले पाखा लगाएको हो । पोखरा रंगशालामा भएको खेलमा आर्मीलाई जिताउन दिनेश हेमजनले दुई तथा जिलेस्पीजंग कार्कीले एक गोल गरे ।
आर्मीले अब नेपाल पुलिस क्लब र चर्च ब्वाइज युनाइटेडबीचको विजेतासँग खेल्नेछ । आर्मी चार पटक फाइनलमा पुगेको भएपनि हालसम्म उपाधि विमुख छ ।
प्रतियोगिता अन्तर्गत सोमबार मनाङ मर्स्याङ्दी र जाउलाखेलबीच प्रतिस्पर्धा हुनेछ ।
प्रतियोगिताका विजेताले १२ लाख एक हजार र उपविजेताले छ लाख एक हजार रुपैयाँ पुरस्कार प्राप्त गर्ने सहारा क्लबले जनाएको छ ।
