-
-
-
-
गोरखा । गोरखामा करेन्ट लागेर एक जनाको मृत्यु गएको छ । मृत्यु हुनेमा पालुङटार नगरपालिका वडा नं. ६ गाँइखुरका ४८ बर्षीय अनन्त परियार रहेका छन् ।
जिल्ला प्रहरी कार्यालय गोरखाका सूचना अधिकारी रमेशकुमार श्रेष्ठका अनुसार परियार बिहीबार मध्यान्ह १२ः३० बजेतिर आफ्नै बारीमा रहेको कटहरको रुख काट्न रुखमा चढेका थिए ।
रुख काट्नेक्रममा रुखका हाँगाले हाइटेन्सन लाइन छुँदा विद्युतीय झड्का लागेपछि उनी रुखबाट खस्न पुगेका थिए ।
परियार विद्युतीय झड्का र लडेर गम्भीर घाइते भएका थिए ।
उनलाई तत्कालै उद्धार गरि उपचारका लागि डुम्रेस्थित लक्ष्मी अस्पतालमा ल्याइएको थियो ।
उनको उपचारका क्रममा दिउसो १ः४० बजे नै मृत्यु गएको डिएसपी श्रेष्ठले बताए ।
परियारको शव दमौली अस्पतालमा पोष्टमार्टम गरेपछि शुक्रबार परिवारलाई बुझाइएको र घटनाका सम्बन्धमा अनुसन्धान भइरहेको प्रहरीले जनाएको छ ।
