इमानदार भएर काम गर्न कति कठिन हुँदो रहेछ

इमानदार भएर काम गर्न कति कठिन हुँदो रहेछ – अर्थमन्त्री महत

हाम्रा कुरा

प्रकाशित २०८० जेठ २३ मंगलबार

काठमाडौं । अर्थमन्त्री डा. प्रकाशशरण महतले इमानदार भएर काम गर्न कठिन हुँदो रहेछ भन्ने थाहा पाएको बताएका छन् ।

उनले प्रतिनिधि सभाको बैठकमा करका दरमा हेरफेर भएको र अनावश्यक व्यक्ति बजेट लेख्दा प्रवेश गरेको भन्ने सांसदहरुको आरोपमा जवाफ दिने क्रममा भने, ‘इमानदार भएर काम गर्न कति कठिन हुँदो रहेछ । एउटा पत्रिकाले एउटा न्यूज पटक पटक दोहोर्याउँछ र त्यसैलाई हामी सत्य ठान्दछौँ ।’

उनले स्पष्ट पार्दै भने, ‘तर सत्य के हो भने यति पारदर्शी भएर कुनै प्रभावबाट मुक्त भएर मैले काम गरेको छु । म अर्थमन्त्री हुने दिनदेखि नै मनमा बाचा प्रतिबद्धता गरेर कुनै प्रभाव बिना काम गर्छु भनेर अफिसमा पसेको हुँ ।’