बलात्कारको मुद्दामा सन्दीपको पक्षले पेस गरेको कागजातमा विवाद, फेरि मागियो प्रमाण

बलात्कारको मुद्दामा सन्दीपको पक्षले पेस गरेको कागजातमा विवाद, फेरि मागियो प्रमाण

हाम्रा कुरा

प्रकाशित २०८० जेठ ७ आइतबार

काठमाडौं । बलात्कारको आरोपमा मुद्दा खेपिरहेका क्रिकेटर सन्दीप लामिछाने विरुद्धको मुद्दाको अन्तिम सुनुवाइ टरेको छ । आइतबार हुनुपर्ने अन्तिम सुनुवाइका क्रममा सन्दीपका कानून व्यवसायीले शुरुदेखि नै उठाएको उमेर विवादमा फेरि प्रमाण बुझ्ने आदेश अदालतले गरेको छ ।

न्यायाधीश फडिन्द्रनाथ पराजुलीको इजलासले उमेर सम्बन्धी प्रमाण फेरि बुझ्ने आदेश दिएको हो । सन्दीप पक्षले पुर्पक्षको बहसदेखि नै मुद्दाको जाहेर दिने पीडित नाबालिग नरहेको दाबी गर्दै आएको छ ।

सन्दीपका कानून व्यवसायीले पीडितको जन्म मिति २०६१ असार १८ गते रहेको दाबी गरेका थिए । जसअनुसार पीडितको उमेर घटना हुँदाको समय (२०७९ भदौ ५) मा १८ वर्ष पुगिसकेको देखिन्छ ।