सत्तरी लाखको ज्यान लिएको कोरोनाजन्य सङ्कटकालको अवस्था अन्त्य भएको डब्ल्यूएचओको घोषणा

सत्तरी लाखको ज्यान लिएको कोरोनाजन्य सङ्कटकालको अवस्था अन्त्य भएको डब्ल्यूएचओको घोषणा

हाम्रा कुरा

प्रकाशित २०८० वैशाख २२ शुक्रबार

जेनेभा । विश्व स्वास्थ्य सङ्गठन (डब्ल्यूएचओ) ले कोभिड–१९ को महामारी अब अन्तर्राष्ट्रिय सरोकारको सार्वजनिक स्वास्थ्य आपतकालीन अवस्था (पीएचईआईसी) नरहेको बताएको छ ।

डब्ल्यूएचओका महानिर्देशक टेड्रोस अधानोम गेब्रेयेससले जेनेभाबाट भर्चुअल पत्रकार सम्मेलनमा उक्त घोषणा गरेका हुन् । डब्ल्यूएचओले पहिलो पटक ३० जनवरी, २०२० मा कोभिड–१९ लाई उच्च स्तरको ‘कोभिड सङ्कटकाल’ घोषणा गरेको थियो ।

त्यसयता विश्वव्यापी स्वास्थ्य विशेषज्ञहरूको एक समितिले हरेक तीन महिनामा हुने बैठकहरूमा सावधानीको चेतावनी जारी गर्दै आएको छ ।