काठमाडौं । अस्ट्रेलियामा खलिस्तान समर्थकहरू फेरि हिन्दू मन्दिरमा आक्रमण गरेका छन् ।
शुक्रबार बिहान पश्चिमी सिड्नीको रोजहिल उपनगरमा रहेको बाप्स स्वामीनारायण मन्दिरमा खलिस्तान समर्थकहरूले आक्रमण गरेका हुन्।
स्वामीनारायण मन्दिरमा तोडफोड गर्दै खलिस्तान समर्थकहरूले मन्दिरको गेटमा खालिस्तानको झण्डा झुण्डाएर विरोध जनाएका छन् ।
यस्तै जनवरी १२ मा मेलबर्नको स्वामीनारायण मन्दिरलाई समाज विरोधी तत्त्वहरूले भारत विरोधी भित्तिचित्र लगाएर विकृत गरेका थिए। हिन्दू मन्दिरहरूमा भएको आक्रमणको भारतले बारम्बार निन्दा गरेको छ र अष्ट्रेलिया सरकारसँग मुद्दा उठाएको छ।
यसअघि अस्ट्रेलियाको ब्रिस्बेन सहरमा श्री लक्ष्मी नारायण मन्दिरमा तोडफोड भएको थियो ।
