ब्रह्माण्डको सृष्टि भएको दिन सम्झेर राष्ट्रपति पौडेलले पशुपतिमा रोपे नागचम्पा
हाम्रा कुरा
प्रकाशित २०७९ चैत ९ बिहिबार
656
Shares
काठमाडौं । राष्ट्रपति रामचन्द्र पौडेलले पशुपति गौशालास्थित वनकालीमा वृक्षरोपण गरेका छन् । चैत्र शुक्ल प्रतिपदालाई ब्रह्माण्डको सृष्टि भएको दिन मानिन्छ । सो अवसरमा वनकाली क्षेत्रमा राष्ट्रपति पौडेलले नागचम्पा फूल रोपेको पशुपति क्षेत्र विकास कोषले जनाएको छ ।
राष्ट्रपति पौडेल वनकाली पुग्दा पशुपति क्षेत्र विकास कोषका सदस्य सचिव डा मिलनकुमार थापालगायत कोषका पदाधिकारीले स्वागत गरेका थिए ।
वृक्षरोपण कार्यक्रमका आयोजक तथा वन मन्त्रालयका पूर्वसचिव युवराज भुसालका अनुसार पौराणिक हिसाबले शुल्क प्रतिपदामा नयाँ वर्ष परेकाले वनकाली क्षेत्रमा वृक्षरोपण कार्यक्रम आयोजना गरिएको हो ।
नाग देवताको पूजा नागचम्पा सेतो फूलले गरिने तथा नाग प्रसन्न हुने भएकाले राष्ट्रपति पौडेलद्वारा उक्त फूलको बिरुवा रोपिएको उनको भनाइ छ ।
वनकाली क्षेत्र कृपालु क्षेत्र भएको र नागदेवता नागचम्पा फूलले पूजा गर्दा खुशी हुने भएकाले वृक्षरोपण गरिएको आयोजकले जनाएको छ ।
गृह शान्ति, राष्ट्र शान्तिका लागि लुम्बिनीमा समेत राष्ट्रपति पौडेलद्वारा वृक्षरोपण गराइने योजना रहेको भुसालले जानकारी दिए ।
