नयाँ दिल्ली। भाइस एडमिरल विश्वजित दासगुप्ताको नेतृत्वमा भारतीय नौसेना प्रतिनिधिमण्डल, फ्ल्याग अफिसर कमाण्डिङ-इन-चीफ, पूर्वी नौसेना कमाण्ड र भारतीय नौसेनाका तीन युद्ध पोतहरूले बङ्गलादेशले कक्स बजारमा आयोजना गरेको पहिलो अन्तर्राष्ट्रिय फ्लीट समीक्षामा भाग लिएका  छन्। 

जनवादी गणतन्त्र बङ्गलादेशका प्रधानमन्त्री शेख हसिनाले बङ्गलादेशी नौसेनाका जहाज र छ वटा विदेशी मुलुकका आठ वटा जहाज रहेको अन्तर्राष्ट्रिय फ्लीटको समीक्षा गरेका हुन्। यस आईएफआरमा सहभागी विदेशी नौसेनाहरूमध्ये तीन वटा जहाजहरू सहित, भारतीय नौसेनाको दल सबैभन्दा ठूलो थियो। उक्त समीक्षामा सहभागी अन्य पाँच जहाज चीन, मलेसिया, म्यानमार, थाइल्याण्ड र अमेरिकाका थिए।

भारतीय नौसेनाको प्रतिनिधित्व गर्ने तीन वटा जहाज, गाइडेड मिसाइल डिस्ट्रोयर आईएनएस कोची, एन्टी-सबमरिन वारफेयर कर्भेट आईएनएस कावरत्ती र अपतटीय गस्ती जहाज सुमेधा सबै स्वदेशी डिजाइन र निर्माण गरिएका युद्ध पोत हुन्। बङ्गलादेशमा भएको यस बहुराष्ट्रिय कार्यक्रममा यी जहाजहरूको उपस्थितिले भारतीय शिपयार्डहरूको स्वदेशी जहाज निर्माण क्षमताहरू प्रदर्शन गर्न योगदान पुर्‍यायो।

उक्त समीक्षाको साई डलाइनमा दासगुप्ताले बङ्गलादेश नौसेनाका नौसेना प्रमुख एडमिरल एम शाहीन इकबालसँग भेट गरे। उनले इरान, मालदिभ्स, म्यानमार, आरओके र अमेरिकाका प्रतिनिधिमण्डलका प्रमुखहरूसँग द्विपक्षीय अन्तरक्रिया पनि गरेका थिए।

बङ्गलादेशले आयोजना गरेको यो पहिलो अन्तर्राष्ट्रिय फ्लीट समीक्षा थियो। आईएफआरले बङ्गलादेशको मुक्तिको ५० वर्षको उत्सव र भारत र बङ्गलादेशबिच औपचारिक कूटनीतिक सम्बन्ध स्थापना भएको दिन मनाइने ‘स्वर्णिम विजय वर्ष’ साथै हरेक वर्ष डिसेम्बर ६ मा मनाइने ‘मैत्री दिवस’लाई पूरक बनाउँछ।

बङ्गलादेशले आयोजना गरेको पहिलो आईएफआरमा भारतीय नौसेनाको उपस्थिति यसरी भारत र बङ्गलादेश बिचको बलियो द्विपक्षीय सम्बन्ध र समुद्री क्षेत्रमा रक्षा सहयोग सुदृढ गर्न भारतीय नौसेनाको भूमिकाको एक उपयुक्त पुनरावृत्ति थियो।