-
-
-
-
काठमाडौं । मन्त्रालयको भागबण्डामा राष्ट्रिय स्वतन्त्र पार्टीले तीन मन्त्री र एक राज्यमन्त्री पाउने भएको छ ।सत्ता साझेदार दलको बैठकमा उक्त सहमति भएसँगै पार्टीका सभापति रवि लामिछाने मन्त्रीको टुङ्गो लगाउन लागि परेका छन् ।
रास्वपालाई गृह मन्त्रालय , शिक्षा, विज्ञान तथा प्रविधि र श्रम, रोजगार तथा सामाजिक सुरक्षा मन्त्रालय र एक राज्यमन्त्री पनि पाउने भएको छ । सभापति रहेका लामिछाने यसअघि नै उपप्रधानसहित गृहमन्त्री भइसकेका छन्।
रास्वपाले शिशिर खनाललाई शिक्षा, विज्ञान तथा प्रविधि मन्त्रालय र डोलप्रसाद अर्याल (डिपी) लाई श्रम, रोजगार तथा सामाजिक सुरक्षा मन्त्रालयमा पठाउने तयारी गरेको छ । श्रम मन्त्रीमा विराजभक्त श्रेष्ठले पनि दाबी गरेका छन् ।
साथै एक राज्यमन्त्रीको टुङ्गो लागेको छैन । राज्यमन्त्रीमा तोसिमा कार्की र सोविता गौतमको नाम हुन सक्ने बताइएको छ ।रास्वपाले उपसभामुख पनि पाउने भएको छ । नवनियुक्त मन्त्रीहरूको शपथ आज दिउँसो १ बजे हुँदै छ ।
