-
-
-
-
काठमाडौं । उपप्रधानमन्त्री तथा गृहमन्त्री रवि लामिछानेले भ्रष्टाचार गरी गल्ती गरेकाहरू जेल जानुपर्ने स्पष्ट पारेका छन् । बिहीबार चितवन पुगेका लामिछानेले भने 'गल्ती गरे जाने जेल नै हो। भ्रष्टाचारको अनुसन्धान रोकिँदैन, आफ्नो प्रक्रियामा जान्छ ।'
उनले विगतमा भएका भ्रष्टाचारसम्बन्धी घटनालाई छानबिन गरेर कानुनी दायरामा ल्याइने बताए । उनले अपराध नियन्त्रणमा राजनीतिक पार्टीको प्रभाव पर्न नदिने धारणा पनि बताए। 'अपराध नियन्त्रणमा पनि अब जे हो त्यै हुन्छ। प्रहरीले वस्तुनिष्ठ अनुसन्धान गर्छ,' उनले भने।
'राजनीति र अन्य कुरालाई एकै ठाउँमा ल्याएर जोड्न हुँदैन। भ्रष्टाचार भनेको भ्रष्टाचार नै हो, यसको अन्त्य हुन जरुरी छ। जे हो त्यै हुन्छ। प्रहरीले वस्तुनिष्ठ अनुसन्धान गर्छ,' उनले भने।
