काठमाडौं । कतारमा जारी विश्वकप फुटबल प्रतियोगितामा रिचार्लिसनले उत्कृष्ट खेल प्रदर्शन गरेपछि ब्रजिलले विजयी शुरुआत गरेको छ । ब्रजिलले सर्बियालाई २–० गोल अन्तरले पराजित गर्यो । ब्रजिलका लागि दुवै गोल रिचार्लिसनले गरेका थिए ।
पहिलो हाफसम्म दुवै टोलीले गोलरहित खेल खेले । दोस्रो हाफमा ब्रजिलले उत्कृष्ट खेल प्रदर्शन गर्यो । खेलको ६३औँ मिनेटमा रिचार्लिसनले पहिलो गोल गरे । उनले खेलको ७३औँ मिनेटमा व्यक्तिगत दोस्रो गोल गर्दै आफ्नो टोलीलाई विजयी दिलाए । सर्बियाका तर्फबाट पनि गोलका केही प्रयास भएका थिए । यद्यपि गोल भने हुन सकेन ।
समूह ‘जी’ मा रहेको ब्रजिलले जीतसागै तीन अङ्क जोडेको छ । ब्रजिल आफ्नो समूहको शीर्ष स्थानमा उक्लिएको छ ।
