काठमाडौँ। नेपालमा टाटाको विद्युतीय गाडी किन्न चाहने ग्राहकहरूलाई अब, खरिदका लागि झनै सजिलो र सहज ऋण उपलब्ध हुने भएको छ।
टाटा नेपालको आधिकारिक बिक्रेता सिप्रदी ट्रेडिङ प्राइभेट लिमिटेड (एसटीपीएल)ले टाटा मोटर्सबाट विद्युतीय सवारी साधन खरिद गर्ने योजनामा रहेका ग्राहकहरूलाई ८० प्रतिशत सम्मको सवारी साधन कर्जा उपलब्ध गराउनका लागि नबील बैङ्क लिमिटेडसँग सम्झौता गरेको हो।
नबिल बैङ्कले टाटा मोटर्सबाट विद्युतीय सवारीसाधन किन्न चाहने कुनै पनि व्यक्ति वा संस्थालाई सजिलो र किफायती ऋण उपलब्ध गराउँदै
नेपाल भरीका जुनसुकै शाखाबाट १२.९९ प्रतिशत ब्याजदरमा अटो लोन (गाडी कर्जा) मिल्ने
८० प्रतिशत कर्जामा ७ वर्षसम्मको भुक्तानी सीमा अवधि
२४ घन्टा भित्रै कर्जा उपलब्ध हुने
सम्झौता अनुसार टाटा मोटर्सबाट विद्युतीय सवारी साधन खरिद गर्न चाहने जुनसुकै व्यक्ति वा संस्थाले नबिल बैङ्कका सबै शाखाबाट १२.९९ प्रतिशत ब्याजदरमा ७ वर्षसम्म तिर्न सकिने गरी सहज र सुलभ कर्जा सुविधा पाउनेछन्।
नबिल बैङ्कले नेपाल राष्ट्र बैङ्कको सम्बन्धित निर्देशन र निर्देशिका बमोजिम सवारी साधनको कूल लागतको ८० प्रतिशतसम्मको कर्जा २४ घण्टाभित्रै प्रवाह गरी कम्पनीले जनाएको छ।
टाटाको ईभी खरिद गर्न खोजिरहेका ग्राहकहरूलाई अब, खरिदका लागि झनै सहज र छरितो हुने विश्वास कम्पनीले लिएको छ। नेपालमा हाल टाटा मोटर्सका उत्कृष्ट इलेक्ट्रिक गाडी(ईभी) नेक्सन ईभी र टिगोर ईभी उपलब्ध रहेका छन्।
