-
-
-
-
काठमाडौं । जगदीप धनखर भारतका १४ औं उपराष्ट्रपति बनेका छन् । शनिबार भएको चुनावमा उनले विपक्ष उम्मेदवार मार्गरेट अल्वालाई पराजित गर्दै उपराष्ट्रपतिमा जित हासिल गरेका हुन् ।
कुल ७२५ सदस्यले मत दिएकामा जगदीपले ५२८ मत पाए । जबकि अल्वाले मात्र १८२ मत पाए । १५ भोट रद्द भएको थियो ।
जगदीपले ११ अगस्तमा उपराष्ट्रपतिको पद तथा गोपनीयताको शपथ लिनेछन् । हालका उपराष्ट्रपति बैंकेया नायडूको कार्यकाल १० अगस्तमा सकिँदैछ ।
जगदीपले जित हासिल गरेसँगै प्रधानमन्त्री नरेन्द्र मोदीले भेटेर बधाई दिएका छन् । पराजित अल्वाले पनि उनलाई बधाई दिएका छन् ।
कुल ७८० भोट रहेकामा मात्र ७२५ भोट खसेको हो । लोकसभाका ५४३ र राज्यसभाका २२५ मत रहेका थिए । शनिबारको यो परिणाम पछिल्लो ६ उपराष्ट्रपतिको चुनावमा सबैभन्दा फराकिलो जित हो ।
