-
-
-
-
काठमाडौं । वेल्स यसै वर्ष कतारमा आयोजना हुने फिफा विश्वकप फुटबलमा छनोट हुन सफल भएको छ । यूईएफए छनोट अन्तर्गत आइतबार राति भएको प्ले अफ फाइनलमा युद्धपीडित युक्रेनलाई १–० ले हराउँदै वेल्सले कतारको टिकट काटेको हो ।
कार्डिफ सिटी स्टेडियममा वेल्सलाई जित दिलाउन युक्रेनी खेलाडीले आत्मघाती गोल गरे । खेलको ३४ औं मिनेटमा युक्रेनका एन्ड्री यार्मोलेन्कोले आत्मघाती गोल गरेका हुन् ।
वेल्स ६४ वर्षपछि विश्वकपमा छनोट भएको हो । सन् १९५८ पछि पहिलो पटक वेल्स विश्वकपमा छनोट भएको हो ।
विश्वकपको समूहसमेत छनोट भइसकेको छ । वेल्स समूह बी मा रहेको छ । यो समूहमा इङ्गल्याण्ड, अमेरिका र इरान छन् ।
