-
-
-
-
काठमाडौं । कोरोना भाइरसको महामारीबीच पनि युरोकप फुटबलको १६ औं संस्करणको उद्घाटन भव्य भएको छ । इटालीको रोममा शुक्रबार रातिको उद्घाटन भव्य भएको हो । सारा संसारलाई त्यही उद्घाटनले जगाएको थियो ।
एन्ड्रि बोसेलीको उत्कृष्ट ‘नेसन डोर्मा’ (यो फुटबलको एउटा चर्चित गीत हो) , आकर्षक फायरवर्कस् लाइट अप, इटालियन लिजेन्डस् फ्रान्सिस्को टोटी र आलेसान्द्रो नेस्टाको उपस्थितिले उक्त उद्घाटन आकर्षक बनेको थियो ।
स्टाडियो ओलम्पिकोमा भएको उक्त उद्घाटनमा विभिन्न रङ्गका फुटबलको प्रदर्शन गरिएको थियो ।
उद्घाटनपछि इटालीले घरेलु मैदानमा टर्कीसँग खेलेको थियो । खेलमा इटाली ३–० गोल अन्तरले विजयी भयो ।
यसपालिको १६ औं संस्करण ११ देशका ११ शहरमा ११ जुनदेखि ११ जुलाइसम्म हुँदैछ । २४ टिमले भाग लिँदैछन् ।
