काठमाडौँ । आध्यात्मिक अनुसन्धान मार्फत सात्त्विक जीवनको यस खण्डमा, हामीले विभिन्न प्रकारका लोकप्रिय पेय पदार्थहरू र तिनीहरूको मानिसमा पर्ने आध्यात्मिक प्रभावको तुलना गरेका छौँ । निम्नलिखित संक्षिप्त तालीकामा पेय पदार्थको क्रम आध्यात्मिक अशुद्धि देखि आध्यात्मिक शुद्धिको (माथि देखि तल) साथै त्यसको सेवन गरेपछि व्यक्तिलाई आध्यात्मिक विश्वको अनिष्ट शक्तिबाट प्रभावित हुने आशङ्का अनुसार राखिएको छ।
श्रोत : एसएसआरएफ द्वारा २१ जुलाई २०१३ मा गरिएको आध्यात्मिक अनुसन्धान
अध्यात्म शास्त्र अनुसार सम्पूर्ण ब्रह्माण्ड तीन आधारभूत सूक्ष्म घटकले बनेको छ । सत्त्व, रज र तम । सत्त्व गुण आध्यात्मिक शुद्धता र ज्ञानको प्रतीक हो; रजोगुण क्रियाशीलताको प्रतीक हो; जबकि तमोगुणले अज्ञानता र अकर्मण्यतालाई दर्साउँछ । कुनै पनि वस्तुको स्पन्दन त्यो वस्तुको मूलभूत प्रधान गुणमा निर्धारित हुन्छ र सबै वस्तुमा मूलभूत घटक विद्यमान हुन्छ ।
अनिष्ट शक्ति र हाम्रो आध्यात्मिक अभ्यासमा प्रभावको सम्बन्ध : मदिरा अथवा कालो चिया जस्तो तम प्रधान पेयको सेवन गरेपछि, व्यक्तिमा आध्यात्मिक अशुद्धि बढ्दछ जसको माध्यमले आध्यात्मिक आयामको अनिष्ट शक्तिद्वारा व्यक्तिमाथि आक्रमण हुने आशङ्का अधिक धेरै हुन्छ । व्यक्ति जति अधिक मात्रामा यसको सेवन गर्दछ, त्यति नै अधिक मात्रामा यसको परिणाम हुन्छ । परिणामस्वरूप जसलाई कालो चिया र मदिराको लत हुन्छ, उनीहरू माथि यसको ठुलो मात्रामा दुष्परिणाम हुन्छ ।
आध्यात्मिक अभ्यास गरिरहेका साधकहरू जो अधिक सात्त्विक अथवा आध्यात्मिक रूपमा शुद्ध बन्न खोज्दछन्, तम प्रमुख पेय पदार्थहरू पिउँदा उनीहरूलाई आध्यात्मिक प्रगति गर्नको लागि नकारात्मक रूपमा असर गर्दछन् । साथै यसले साधनामा बाधा ल्याउन प्रयास गरिरहेको अनिष्ट शक्तिको अगाडि स्वयंलाई असुरक्षित बनाउँछ ।
सन्त जसको ८०% भन्दा अधिक आध्यात्मिक स्तर हुन्छ, उनीहरूले रक्सी पिए पनि त्यसले खासै प्रतिकूल प्रभाव पार्दैन किनभने उनले पेय पदार्थको घटक परिवर्तन गर्न सक्छन् । उदाहरणको लागि रक्सीलाई पानीमा परिवर्तन गर्न सक्छन्।
यसले कालो चियालाई बुझाउँदछ र यसमा हर्बल चिया समावेश गरिएको छैन । कोक रज-तम प्रमुख पेय पदार्थ हो र यस्तो हुनुमा त्यसको रासायनिक तत्त्व एउटा मुख्य कारण हो । कुनै पनि पेय पदार्थ जसमा रसायन हुन्छ, त्यसमा उच्च तमोगुण हुने आशङ्का अधिक हुन्छ । पानी मूलतः तटस्थ हुन्छ; तर यसले सजिलै दुवै सकारात्मक तथा नकारात्मक स्पन्दनहरू ग्रहण गर्न सक्ने गुण हुन्छ ।
बायो-फिडब्याक मेशिन डिडिएफएओ प्रयोग गरेर एसएसआरएफले व्यक्तिहरूको कुण्डलिनी चक्रहरूमा रक्सी र फलफूलको रसको प्रभावको अध्ययन गरेका छन् । अनिष्ट शक्तिबाट पीडित र पीडा रहित व्यक्तिमा दुई प्रकारको पेय पदार्थहरू रक्सी (ह्विस्की) र फलफूलको रस (सुन्तलाको रस) को प्रभाव सम्बन्धी अनुसन्धान गरिएको छ । हामीले साधना गर्ने व्यक्ति र साधना नगर्ने व्यक्ति माथि पनि अनुसन्धान गरिएको छ ।
