-
-
-
-
काठमाडौँ । सार्वजनिक खरिद अनुगमन कार्यालयले २९ वटा निर्माण व्यवसायीलाई कालोसूचीमा राखेको छ । पूर्वाधार निर्माणका काम र खरिद प्रक्रियालाई अलपत्र पार्ने पारेको भन्दै विभिन्न सार्वजनिक निकायबाट सिफारिस भइ आएका ती कम्पनीलाई कालोसूचीमा राखिएको हो ।
यसरी कालोसूचीमा राखिएकामध्ये पप्पु कन्स्ट्रक्सनलाई २ वर्ष ६ महिना कालोसूचीमा राखिएको छ । सिक्टा सिँचाइ आयोजना नेपालगञ्ज बाँकेको सिफारिसमा पप्पुलाई कालोसूचीमा राखिएको हो ।
बाँकीमध्ये ८ कम्पनीलाई २ वर्षको लागि कालोसूचीमा राखिएको छ । त्यस्तै ७ कम्पनीलाई १ वर्ष ६ महिना, १ कम्पनीलाई १ वर्ष ३ महिनाको लागि कालोसूचीमा राखिएको भने अन्य कम्पनीलाई एक वर्षको लागि कालोसूचीमा परेका छन् ।
