-
-
-
-
काठमाडौँ । विश्वकप फुटबलमा अहिले आयोजक अमेरिका र पाराग्वे भिडिरहेका छन् । खेल अमेरिकाको सोफी स्टेडियममा भइरहेको छ ।
अमेरिका मध्यान्तरसम्म ३-० ले अगाडि रहेको छ । खेलको ७ मिनेटमै पाराग्वेका खेलाडी डामिन बोबाडिलाले आत्मघाती गोल गरेसँगै अमेरिका अग्रता लिन सफल भएको हो ।
३१ औँ मिनेटमा फोलारिन बालोगुनले गोल गर्दै अमेरिकालाई २-० ले अग्रता दिलाए ।
मध्यान्तरअघिको इन्जुरी समयको पाँचौँ मिनेटमा फोलारिनले एक गोल थप्दै अग्रतालाई ३-० को स्थितिमा पुर्याए ।
अमेरिकाले बल ७१ प्रतिशत आफ्नो नियन्त्रणमा लिन सफल भएको छ ।
यो समूह डीको खेल हो । अमेरिकाले ११ औँ पटक विश्वकप खेलिरहेको हो ।
अमेरिका विश्वकपको पहिलो संस्करणमा सन् १९३० मा तेस्रो भएको थियो । त्यसपछि त्यो स्थानमा कहिल्यै पुग्न सकेन । धेरैजसो त छनोट नै भएन ।
पाराग्वे आठौँ पटक विश्वकप खेलिरहेको छ । सन् १०१० मा पाराग्वे क्वार्टरफाइनलसम्म पुगेको थियो ।
यसअघि आज बिहान सम्पन्न खेलमा सहआयोजक क्यानडाले बोस्निया एन्ड हर्जगोबिनासँग बराबरी खेलेको थियो ।
समूह बीको क्यानडाको बीएमओ फिल्डमा भएको खेल १–१ गोलको बराबरीमा सकिएको हो । उक्त खेल हेर्न ४३ हजार २ दर्शक पुगेका थिए ।
