माछापुच्छ्रे बैङ्कद्वारा एमबीएल एम-स्मार्टमार्फत नेपाल–भारत–नेपाल क्रस बोर्डर ट्रान्सफर सेवा सञ्चालन
हाम्रा कुरा
प्रकाशित २०८३ जेठ २६ मंगलबार
154
Shares
तस्बिर : फाइल
काठमाडौँ। माछापुच्छ्रे बैङ्क लिमिटेडले आफ्नो मोबाइल बैङ्किङ एप्लिकेसन एमबीएल एम-स्मार्टमार्फत नेपाल–भारत नेपाल रियल टाइम क्रस बोर्डर ट्रान्स्फर सेवा सञ्चालनमा ल्याएको छ। यस नवीन सेवाले नेपाल र भारतबीच सुरक्षित, सहज तरिकाले तत्काल व्यक्ति–देखि–व्यक्ति (पीटूपी) रकम स्थानान्तरण (ट्रान्सफर) को सुविधा प्रदान गरी दुई छिमेकी मुलुकबीचको डिजिटल वित्तीय पहुँचलाई थप सुदृढ बनाउने अपेक्षा बैङ्कले गरेको छ।
यस सेवा उपयोग गरी भारतमा बसोबास गर्ने, अध्ययन गर्ने तथा काम गर्ने नेपाली नागरिकहरूले भारतमा उपलब्ध यूपीआई सँग सम्बन्धित डिजिटल भुक्तानी एप्लिकेसनहरूको प्रयोग गरी नेपालस्थित आफ्ना परिवारजन वा अन्य लाभग्राहीहरूको सहज रूपमा बैङ्क खातामा रकम पठाउन सक्नेछन् र उक्त रकम लाभग्राहीको खातामा तत्कालै जम्मा हुने भएकाले छिटो, सुरक्षित र भरपर्दो रेमिट्यान्स सेवा उपलब्ध हुनेछ।
त्यसै गरी, नेपालमा बसोबास गर्ने वा नेपालमा कार्यरत भारतीय नागरिकहरूले पनि एमबीएल एम-स्मार्ट एप्लिकेसनमा उपलब्ध क्रस बोर्डर ट्रान्सफर सुविधाको प्रयोग गरी भारतमा रकम पठाउन सक्नेछन्।
बैङ्कले यो सेवा सञ्चालन गर्दा सुरक्षा, पारदर्शिता तथा नियामकीय अनुपालनका उच्चतम मापदण्डहरूलाई पालनमा उच्च प्राथमिकता दिएको छ। यो पहलले नेपाल र भारतबीचको डिजिटल भुक्तानी तथा रेमिट्यान्स प्रणालीलाई थप प्रवर्द्धन गर्नुका साथै ग्राहकहरूलाई आधुनिक, सुरक्षित र सुविधाजनक बैङ्किङ सेवा प्रदान गर्ने विश्वास लिइएको छ।
साथै आगामी दिनहरूमा पनि थप उच्चतम प्रविधिमैत्री तथा ग्राहक केन्द्रित वित्तीय सेवाहरू विस्तार गर्दै डिजिटल बैङ्किङ क्षेत्रमा नवीनतम सेवा सुविधाहरू उपलब्ध गराउने प्रतिबद्धता समेत व्यक्त गर्दछौ।
