पश्चिम बंगाल र तमिलनाडु विधानसभा चुनावमा अहिलेसम्मकै बढी मतदान
हाम्रा कुरा
प्रकाशित २०८३ वैशाख १० बिहिबार
794
Shares
नयाँदिल्ली । भारतको पश्चिम बंगाल र तमिलनाडु विधान सभा चुनावमा बिहीबार कीर्तिमानी मतदान भएको छ । बंगालले २९४ सिटमध्ये १५२ सिटमा पहिलो चरणमा ९२.५६ प्रतिशत मतदाता मतदान रेकर्ड गरेको छ ।
तमिलनाडुले सबै २३४ सिटमा ८५.१३ मतदान मतदान रेकर्ड गरेको छ । निर्वाचन आयोगको तथ्याङ्क स्थानीय समय अनुसार राति ९ बजेसम्मको हो । यो अन्तिममा परिवर्तन पनि हुन सक्छ ।
दुवै राज्यले स्वतन्त्रतापछि सबैभन्दा बढी मतदाता मतदान रेकर्ड गरेका छन् । यसअघि, तमिलनाडुले सन् २०११ मा ७८.२९ प्रतिशत गरी सबैभन्दा बढी मतदाता मतदान रेकर्ड गरेको थियो ।
बंगालले २०११ मा ८४.७२ प्रतिशत प्रतिशत मतदाता रेकर्ड गरेको थियो । मतदानपछि ममता बनर्जीले भनेकी छिन्, "बंगालका जनताले एसआईआर विरुद्ध भारी मतदान गरेका छन्।" गृहमन्त्री अमित शाहले टीएमसीमा सूर्य अस्ताएको दाबी गरेका छन् ।
यसअघि असम, केरला र पुडुचेरीमा पनि अप्रिल ९ मा रेकर्ड मतदान भएको थियो । असममा इतिहासमै सबैभन्दा बढी ८५.९१ प्रतिशत, पुडुचेरीमा ९० प्रतिशत र केरलामा १९८७ पछि सबैभन्दा बढी ७८.२७ प्रतिशत मतदान भएको रेकर्ड गरिएको थियो ।
पाँचै राज्यमा विधानसभा चुनावको नतिजा मे ४ मा एकैसाथ घोषणा गरिनेछ ।
