भारतले मनायो ७७ औँ गणतन्त्र दिवस, कान्तिपथमा शक्ति प्रदर्शन [तस्बिर]
हाम्रा कुरा
प्रकाशित २०८२ माघ १२ सोमबार
2.1k
Shares
तस्बिर – गणतन्त्र दिवस कार्यक्रममा उर्सुला भोन डेर लेयन, प्रधानमन्त्री नरेन्द्र मोदी र एन्टोनियो कोस्टा ।
नयाँदिल्ली । भारतले ७७ औँ गणतन्त्र दिवस मनाएको छ । गणतन्त्र दिवसमा राजधानी नयाँदिल्लीस्थित कर्तव्यपथमा राष्ट्रको शक्ति प्रदर्शन गरियो । यस वर्ष परेडको विशेष सांस्कृतिक विषयवस्तु ‘वन्दे मातरम्’ (स्वतन्त्रताको मन्त्र) थियो।
पहिलो पटक दुई प्रमुख अतिथि युरोपेली परिषद्का अध्यक्ष एन्टोनियो कोस्टा र युरोपेली आयोगका अध्यक्ष उर्सुला भोन डेर लेयन रहे ।
यस वर्ष, गणतन्त्र दिवस परेडमा ६०६५ सहभागीहरूले भाग लिएका थिए । परेडको फ्लाई–पास्टमा २९ विमानहरू (१६ लडाकु विमान, ४ यातायात विमान र ९ हेलिकोप्टरसहित) ले प्रदर्शन गरेका थिए ।
परेडमा देशभरका २५०० कलाकारहरूले सांस्कृतिक प्रदर्शनमा भाग लिएका थिए । सेना मार्चिङ टोली बाहेक, पशु दल र विशेष बल एकाइहरू पनि उपस्थित थिए ।
राजधानी नयाँ दिल्लीस्थित कर्तव्य पथमा आयोजना भएको मुख्य समारोहको नेतृत्व राष्ट्रपति द्रौपदी मुर्मूले गरेकी छिन् ।
राष्ट्रपति भवनदेखि राष्ट्रिय युद्ध स्मारकसम्म फैलिएको कर्तव्य पथ भारतको संविधान, सांस्कृतिक विविधता, सैन्य शक्ति र विकास यात्रालाई झल्किने गरी सजाइएको थियो ।
प्रधानमन्त्री नरेन्द्र मोदीले राष्ट्रिय युद्ध स्मारकमा सहिदप्रति श्रद्धाञ्जली अर्पण गरेपछि परेड अवलोकन गरेका छन् ।
परेडमा थलसेना, नौसेना र वायुसेनाका आकर्षक झाँकी, अत्याधुनिक हतियार प्रणाली, मिसाइल, ट्याङ्क, ड्रोन प्रविधि र स्वदेशमै विकसित रक्षा उपकरण प्रदर्शन गरिएको छ ।
यस वर्ष पहिलो पटक भारतीय सेनाको ब्याटल एरे फम्र्याट प्रस्तुत गरिएको छ ।
साथै, परमवीर चक्र र अशोक चक्र प्राप्त वीरहरूलाई सम्मान गरिएको छ । ‘विविधतामा एकता’ र ‘आत्मनिर्भर भारत’को सन्देशसहित ३० ओटा झाँकीले भारतको सांस्कृतिक सम्पदा र प्रगतिलाई उजागर गरिएको छ ।
मोदीले दिए एकताको सन्देश–
भारतीय प्रधानमन्त्री नरेन्द्र मोदीले देशवासीलाई बधाई तथा शुभकामना दिएका छन् । सामाजिक सञ्जाल एक्समार्फत उनले एकताको सन्देशसमेत दिएका छन् ।
मोदीले भनेका छन्, ‘गणतन्त्र दिवस हाम्रो स्वतन्त्रता, संविधान र लोकतान्त्रिक मूल्यमान्यताको शक्तिशाली प्रतीक हो । यो पर्वले हामीलाई राष्ट्र निर्माण गर्ने संकल्पका साथ अगाडि बढ्न नयाँ ऊर्जा र प्रेरणा दिन्छ। स्वतन्त्रताले ओतप्रोत देशको समृद्धि कहाँ छ, त्यसैले स्वतन्त्रता प्राप्त गर्नुपर्छ, एकता नै स्वतन्त्रताको माध्यम हो।’
