प्रधानमन्त्री ओली र लाओसका राष्ट्रपतिबीच द्विपक्षीय भेटवार्ता
हाम्रा कुरा
प्रकाशित २०८२ भदौ १६ सोमबार
637
Shares
काठमाडौँ। शाङ्घाई सहयोग संगठन (एससीओ) प्लसको शिखर सम्मेलनका क्रममा चीनको थियानजिनमा रहेका प्रधानमन्त्री केपी शर्मा ओली र लाओ जनप्रजातान्त्रिक गणतन्त्रका राष्ट्रपति थोङ्लौन सुसौलिथबीच आज द्विपक्षीय भेटवार्ता भएको छ।
भेटका अवसरमा दुई देशबीचको आपसी सम्बन्ध र विविध पक्षमा कुराकानी भएको थियो। भेटमा प्रधानमन्त्री ओलीसँगै पूर्वउपप्रधानमन्त्री पूर्णबहादुर खड्का, शिक्षामन्त्री रघुजी पन्त, संस्कृति तथा पर्यटनमन्त्री बद्रीप्रसाद पाण्डे, प्रधानमन्त्रीका आर्थिक सल्लाहकार डा. युवराज खतिवडा, सांसद छविलाल विश्वकर्मा र परराष्ट्र सचिव अमृतबहादुर राई लगायत सहभागी थिए।
थियानजिनस्थित मेइजियान सम्मेलन केन्द्रमा आइतबारबाट सुरु भएको यस सम्मेलनमा प्रधानमन्त्री ओलीसहित सहभागी राष्ट्र तथा सरकारका प्रमुखहरूले आज सम्बोधन गर्ने कार्यक्रम रहेको छ।
