-
-
-
-
काठमाडौं। दक्षिण एसियाली फुटबल महासंघ (साफ) १७ वर्षमुनिका महिला च्याम्पियनसिपअन्तर्गत आज नेपाल र भारतबीच प्रतिस्पर्धा हुँदैछ।
अखिल नेपाल फुटबल संघका अनुसार, खेल नेपाली समयअनुसार आज अपराह्न ६ बजे हुनेछ।
प्रतियोगितामा सहभागी चार टोलीमध्ये भारत १२ अंकका साथ पहिलो स्थानमा छ, जबकि नेपाल तीन अंकका साथ तेस्रो स्थानमा रहेको छ।
नौ अंकसहित बंगलादेश दोस्रो स्थानमा छ भने घरेलु मैदानमा कुनै जित निकाल्न नसकेको भुटान चौथो स्थानमा छ।
अब उपाधि जित्ने होडबाट नेपाल बाहिरिएको छ। खेल तालिकाअनुसार, नेपालले यही भदौ १५ गते भुटानसँग खेल्नेछ।
