-
-
-
-
काठमाडौँ । आईसीसी विश्वकप लिग २ को त्रिकोणात्मक श्रृंखला र टी–२० श्रृंखलाका लागि नेपाली राष्ट्रिय क्रिकेट टिम स्कटल्याण्ड गएको छ । उक्त टोलीलाई बिहान बिदाइ गरिएको थियो ।
नेपाल क्रिकेट संघ क्यानले एक कार्यक्रम गर्दै श्रृंखला खेल्न जाने टोलीको बिदाइ गरेको हो । नेपालले लिग २ अन्तर्गत स्कटल्याण्ड र नेदरल्याण्डस्सँग जुन २ देखि १० तारिखसम्म खेल्नेछ ।
लिग २ पछि नेपालले ती देशहरूसँग टी–२० श्रृंखला खेल्नेछ । उक्त श्रृंखmा जुन १५ देखि २० सम्म सञ्चालन हुनेछ ।
लिग २ का नेपाली टोली–
रोहित पौडेल (कप्तान), दीपेन्द्रसिंह ऐरी (उपकप्तान) कुशल भुर्तेल, आसिफ शेख (विकेट किपर), गुलशन झा, अनिल शाह, भीम सार्की, सोमपाल कामी, आरिफ शेख, बसिर अहमद, नन्दन यादव, रिजन ढकाल, ललित राजवंशी, सन्दीप लामिछाने र करण केसी ।
टी २० का लागि किरणकुमार ठगुन्ना, रुपेश सिंह र लोकेश बम थपिएका छन् ।
