काठमाडौँ । चिकित्सा क्षेत्रमा धेरै नयाँ परिवर्तनहरू आउँदैछन्, जहाँ रगत नमूना नलिई पनि रगत परीक्षण गर्न सकिने भएको छ ।
यस परीक्षणले भविष्यमा विभिन्न गम्भीर रोगहरू जस्तै क्यान्सर, हृदयाघात र अन्य धेरै स्वास्थ्य समस्याहरू पहिचान गर्न सक्षम हुने भएको छ ।
भारतको काशी विश्वविद्यालयका वैज्ञानिकहरूले स्वास्थ्यलाई मात्र नभई वातावरणलाई पनि फाइदा पुग्ने नयाँ उपकरण सार्वजनिक गरेका छन् ।
यो नयाँ यन्त्रको सहयोगले रगत नलिई पनि डीएनए र बायोमार्कर परीक्षण गर्न सकिनेछ । यो यन्त्रको सहायताले तपाईले शरीरमा युरिक एसिडको स्तर जाँच गर्न सक्नु हुनेछ। हेमोग्लोबिन काउन्टदेखि मुटु रोग, छालाको समस्या र क्यान्सर पनि थाहा पाउन सकिन्छ।
यस यन्त्रको सहायताले धेरै रोग पहिचान गर्न सकिन्छ, जुन देशको स्वास्थ्य भविष्यका लागि धेरै उपयोगी हुनेछ। तर केही परीक्षणहरूमा भने रगत नमूना अनिवार्य नै चाहिन्छ।
यो डिभाइसको मूल्य १०० देखि १५० भारतीय रुपैयाँ मात्रै पर्न सक्छ। यो सेन्सर भएको डिभाइसले पेटेन्ट पनि पाएको छ। यन्त्रबाट उत्सर्जित प्रकाशले हानिकारक पदार्थहरू पत्ता लगाउँछ ।
यन्त्रको लागत कम भएकाले यो सर्वसाधारणको पहुँचमा सहज हुनेछ र यसको मद्दतले सबैले आफ्नो स्वास्थ्यको विवरण प्राप्त गर्न सक्नेछन् । यसबाट ब्लड सुगर, ब्लड प्रेसर आदि परीक्षणका लागि अस्पताल जानु पर्दैन ।
प्रोफेसर विवेक सिंह यस अनुसन्धानमा संलग्न थिए, जसले उपकरणको उत्पादनका लागि धेरै कम्पनीहरूसँग कुराकानी भइरहेको बताएका छन् । चाँडै यो मानिसहरूको दैनिक कार्यहरूको लागि सस्तो र सुरक्षित समाधान हुनेछ।
अर्का प्राध्यापक सुरेन्द्रप्रसाद सर्वसाधारणको आवश्यकता अनुसार यसको विकास गरेको बताउँछन् । मानिसहरूले रगतको एक थोपा नलिई आफ्नै घरको आरामबाट डीएनए, प्रोटिन, एन्टिबडी र एन्टिजेन अन्तरक्रिया र ब्याक्टेरिया परीक्षण गर्न अब सजिलै सक्छन् ।
