काठमाडौँ । अमेरिकी कंग्रेसले सोमबार आधिकारिक रूपमा डोनाल्ड ट्रम्पलाई २०२४ को राष्ट्रपति चुनावको विजेताको रूपमा पुष्टि गरेको छ । अमेरिकी प्रतिनिधि सभा र सिनेटले राष्ट्रपति–निर्वाचित डोनाल्ड ट्रम्पको चुनाव प्रमाणित गर्न दिउँसो एक संयुक्त सत्रमा बोलाएका थिए ।
अमेरिकी कंग्रेसको अधिवेशनको अध्यक्षता वर्तमान उपराष्ट्रपति कमला ह्यारिसले गरेकी थिइन् । उनी चुनावमा ट्रम्पसँग पराजित भएकी डेमोक्र्याटिक उम्मेदवार हुन् ।
ह्यारिसले प्रत्येक राज्य र कोलम्बिया जिल्लाबाट निर्वाचक मत परिणामहरू प्रस्तुत गरिन् । इलेक्टोरल भोटको अन्तिम ट्यालीले ट्रम्पले ३१२ इलेक्टोरल भोट प्राप्त गरेको देखाएको छ ।
जसले राष्ट्रपति पद जित्न आवश्यक २७० मत प्राप्त गरेका छन् । ह्यारिसले २२६ मत प्राप्त गरेकी थिइन्।
राष्ट्रपति निर्वाचित ट्रम्पले जनवरी २० मा राष्ट्रको ४७ औँ राष्ट्रपतिको रूपमा औपचारिक रूपमा आफ्नो दोस्रो कार्यकालको शुरुवात गर्दै छन् ।
