काठमाडौँ । पद्मकन्या क्याम्पस (पिके) नेपाल विद्यार्थी संघ (नेविसंघ) को इकाइमा नयाँ नेतृत्व चयन गरिएको छ । चन्द्रकला तामाङको नेतृत्वमा ५१ सदस्यीय कार्यसमिति गठन गरिएको हो ।
शुक्रबार कलेजमा आयोजित भेलाले वरिष्ठ उपाध्यक्षमा दीक्षा बडू, उपाध्यक्षमा रिंकी मेहता र कविता गौतम, सचिवमा संकल्पिका थापा, सन्ध्या बस्याल, श्रद्धा थापा चयन भएका छन् ।
शुक्रबार बनेको नयाँ समिति सर्वसम्मत रूपमा बनेको पद्मकन्या क्याम्पसको नेविसंघ पूर्वसभापति लक्ष्मी दाहालले जानकारी गराइन् । संघको कार्यसमिति सक्रिय नभएकाले नयाँ समिति गठन गरिएको दाहालको भनाइ छ ।
नयाँ कार्यसमितिमा पार्टी महामन्त्री गगन थापा निकटका विद्यार्थीहरू परेका छन् । यसअघि पद्मकन्यामा सगुन कँडेलको नेतृत्वको कार्यसमिति थियो ।
