-
-
-
-
एकैछिन बसेर हेरे कसो होला
मेरो मन कति न्यानो छ
एकपटक छामेर हेरे कसो होला
नभन न म कठोर छु
नसोच न म मुटु नभएको
एक अस्थिपन्जर मात्र हुँ
नसुन न तिमी यो दुनियाँको
एकैछिन मलाई सुनेर हेरे कसो होला
म घिस्रिरहेको छु यात्रा भरि
तिमी मेरो हात समातेर हिँडे कसो होला
छुटेका छन् आफ्ना लागेकाहरू
भेटिएका छन् पराइ लाग्नेहरू
अब मलाई तिमीले पराइ नठाने कसो होला
म छुटिने छैन
मलाई तिमीले आफ्नै ठाने कसो होला ?
