केएमसीको टोलीले काठमाडौँको तारकेश्वरमा गर्यो नौ सय बिरामीको निःशुल्क उपचार
हाम्रा कुरा
प्रकाशित २०८० फागुन २८ सोमबार
794
Shares
काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले काठमाडौँको तारकेश्वरमा निःशुल्क स्वास्थ्य शिविर आयोजना गरेको छ ।
युनाइटेड स्कलर्स एकेडेमीको आयोजना तथा लाइन्स क्लब अफ काठमाडौँको सहआयोजनमा एकेडेमीको प्राङ्गण तारकेश्वर नगरपालिका २ मा भएको स्वास्थ्य शिविरमा ९२२ बिरामीको उपचार गरिएको केएमसीका प्रबन्धक नारायणप्रसाद दाहालले जानकारी दिए ।
बिरामीमध्ये ८९ जनाको ईसीजी, १११ जनाको ल्याब परीक्षण र ९७ जनाको भिडियो एक्सरे गरिएको थियो ।
त्यस्तै २२ जनाको दाँत खोलिएको थियो भने ३४ बिरामीलाई शल्यक्रियाका लागि रेफर गरिएको छ ।
डा. शर्माले सम्हालेपछि केएमसीले सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
