-
-
-
-
काठमाडौँ । प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डले आगामी बुधबार फागुन ३० गते विश्वासको मत लिने तयारी गरेका छन् । फागुन २१ गते नेपाली कांग्रेससँगको सत्तागठबन्धन तोडेर एमाले र रास्वपालाई सरकारमा भित्र्याएका प्रचण्डले एक सातापछि नै विश्वासको मत लिने तयारी गरेका हुन् ।
संसदीय दलको शनिबार बसेको बैठकमा फागुन ३० मा विश्वासको मत लिनका लागि साझेदार दलहरूसँग छलफल चलाइरहेको उनले जानकारी दिएका थिए । प्रचण्डले दलको बैठकमा सरकारले विश्वासको मत लिने कार्यका लागि सबै सक्रियतापूर्वक लाग्नुपर्नेमा जोड दिएका थिए ।
नयाँ सत्ताधारी गठबन्धनमा एमालेका ७७, माओवादीका ३२, रास्वपाका २१, जसपाका १२ र एकीकृत समाजवादीका १० गरी १५१ सांसद छन् । बहुमतका लागि १३८ मत भए पुग्छ ।
