-
-
-
-
आफ्नो पाइलाको गन्तव्य नै बिराएँ
आफ्नो खुशी र उमंगलाई गुमाएँ
सबैको बीचमा पनि आफूलाई एक्लो पाएँ
खै म कहाँ हराएँ ?
मन मस्तिष्कबीच डोरी झैँ उल्झिएँ
मनभित्र सजायको घरलाई भत्काएँ
सबैको सामु आफूलाई मौन बनाएँ
बिनाकारण सबैसँग टाढिदै गएँ
खै म कहाँ हराएँ ?
मस्तिष्कभित्र अपार प्रश्नको घर बनाएँ
खोलाझैँ आँखाबाट आँसुको धारा बनाएँ
आफ्नो वास्तविक अस्तित्वलाई गुमाउँदै गएँ
जिन्दगीको सुन्दर जीवनलाई हराउँदै गएँ
खै म कहाँ हराएँ ?
