- सुन चाँदी दर
- विनिमय दर
- नेपाली पात्रो
- राशिफल
म एक विद्यार्थी
आज पढिरहेको एक विद्यार्थी
घरदेखि संस्कार पाएको एक विद्यार्थी
विद्यालयमा गुरुबाट दीक्षित म विद्यार्थी
हो, आजको असल म विद्यार्थी ।
मैले धेरै पढ्नु छ
म आफू अब्बल बन्नुछ
म डाक्टर बन्नछु
इन्जिनियर बन्नुछ
पाइलट बन्नुछ
शिक्षक बन्नुछ
यो देश जोगाउने एक रक्षक बन्नुछ ।
हो, रक्षक
जोड दिएर भन्दैछु
म रक्षक बन्दैछु
रक्षक बन्नलाई गोलीगठ्ठामात्र लिइँदैन
यहाँ हाम्रो देशको भाषा जोगाउनु छ
देशको संस्कृति छ
सामाजिक सद्भाव जोगाउनु छ
पृथ्वीनारायण शाहले भनेझैँ
यो देश चार वर्ण ३६ जातको फूलबारी हो
सबै जातजाति जोगाउनु छ
सबै वर्ण जोगाउनुछ
धर्म जोगाउनु छ
हामी एक भएर आफ्नो कर्म गर्नुछ ।
टुक्र्याउला कसैले सक्दैन
हामी प्रण गरौँ
हामी एकजुट होऔँ
हामी हाम्रो कर्म गरौँ
म हैन हामीको भाव जगाऔँ
ब्याकुल माइलाले त्यसै भनेका छैनन् राष्ट्रिय गानमा
सयौँ थुँगा फूलका हामी
एउटै माला नेपाली
हो हामी देशका रक्षक
हामी देशका रक्षक ।