-
-
-
-
रौतहट । रौतहटको फतुवा विजयपुर नगरपालिकाका एक किसानको खेतमा भित्र्याउन ठिक्क पारेको धानमा अज्ञात समूहले हिजो राती आगो लगाएर जलाइदिएको छ ।
फतुवा विजयपुर – २ का किसान लक्ष्मी नारायण यादवको पौने २ बिगाहा खेतमा लगाएको धान जलेर पूर्ण रूपमा नष्ट भएको छ ।
शनिबार राती साढे ९ बजेतिर भएको आगलागीबाट सबै धान जलेर खरानी भएको किसान यादवले बताए ।
खेतको धान एकै ठाउँ थुपारेर आइतबार थ्रेसर लगाउने तयारीमा रहेका किसान यादवको धानमा पेट्रोल छर्किएर आगो लगाइएको यादवको भनाइ छ ।
आगलागीबाट करिब ३ लाख बराबरको क्षति भएको छ ।
घटनाको बारेमा प्रहरीलाई जानकारी गराइसकेको जनाउँदै दोषीलाई पक्राउ गरेर कानुनी कारबाहीको दायरामा ल्याउन माग गरेका छन् ।
