- सुन चाँदी दर
- विनिमय दर
- नेपाली पात्रो
- राशिफल
काठमाडौँ । नेपालमा भारतबाट प्याज नआउने भएको छ । भारत सरकारले प्याजको निर्यातमा पुनः प्रतिबन्ध लगाएसँगै नेपालमा प्याज नआउने भएको हो ।
तीन महिनाअघि डिसेम्बर अन्तिमसम्मका लागि प्याजमा ४० प्रतिशत निर्यात कर लगाएको भारतले अहिले निर्यातमा पूर्ण रोक लगाएसँगै प्याजका नेपाली पारखीका लागि चिन्ताको विषय बनेको हो ।
भारतको वाणिज्य एवं उद्योग मन्त्रालयअन्तर्गतको विदेश व्यापार महानिर्देशनालयले सन् २०२४ को मार्च ३१ सम्मका लागि प्याजको निर्यातमा रोक लगाएको हो ।
तर नेपालले प्याज पाउने सम्भावना भने खुलै रहेको पनि निर्देशनालयको सूचनाले संकेत गर्दछ । किनकि अन्य मुलुकका सरकारको आग्रहबमोजिम सरकारले अनुमति दिएमा भने प्याज निर्यात हुन सक्ने उल्लेख गरिएको छ ।
अब नेपालले आग्रह गर्छ कि प्याज बिना पनि तरकारी खान सकिन्छ भनेर संकटका बेलामा सहन शक्ति बढाउन आग्रह गर्छ त्यो सरकारकै हातमा रहेको छ ।
पछिल्लो समय भने नेपाली बजारमा प्याजको हाहाकार नै छ । सरकारले आलु र प्याजमा लगाएको कर विवादले भने उपभोक्ता चरम मारमा परेका छन् ।