-
-
-
-
झापा । चाडबाडका बेलामा विभिन्न स्थानहरुमा कतै लिंगेपिङ त कतै खोला तर्न बाँसको फड्के पुल निर्माण गर्ने चटारो देखिने गरेको छ । यसै अनुरुप झापाका विभिन्न स्थानका चोकहरुमा बासको लिंगेपिङ बनाउने चटारो देख्न पाइन्छ ।
त्यसरी नै झापाको गौरीगंज गाउँपालिका वडा नं १ रंगियाथानबाट झापा गाउँपालिका प्रवेश गर्न वैकल्पिक पुलको रुपमा कनकाई नदीमा अस्थायी बाँसको फट्के पुल निर्माण सम्पन्न गरिएको छ ।
स्थानीय युवा राजेश्वर राजवंशीले जानकारी गराएअनुसार चाडपर्व लागेसँगै स्थानीय आवातजावत गर्न उक्त बाँसको फट्के पुल निर्माण गरिएको हो ।
दुःखद कुरा त यो छ कि स्थानीयले उक्त पुलमार्फत आवत–जावत गर्दा फड्के पुल निर्माण कर्तालाई सहयोग स्वरुप शुल्क तिर्नुपर्ने हुनजान्छ ।
उक्त पुलमा मानिस मात्र वारिपारि गरेको रु ५० र सवारी (मोटरसाइकल) सहित तरेको रु १०० तिर्नुपर्ने स्थानीय निस्चल भण्डारीले जानकारी दिए ।
.jpg)
