- सुन चाँदी दर
- विनिमय दर
- नेपाली पात्रो
- राशिफल
काठमाडौं । बलिउड अभिनेता सलमान खानको ‘टाइगर ३'को चर्चाबीच शाहरुख खानले आफ्नो अर्को फिल्मको ट्रेलर छिट्टै रिलिज हुने बताएका छन् ।
शाहरुखको हालै दुई फिल्म ‘जवान’ र ‘पठान’ बाट बलिउड तङ्ग्रिएको छ । दुई फिल्मबाट उनले दुई हजार करोड बढीको कमाइ पनि गरेका छन् ।
उनको क्रेज अझै श्रोताको मन र दिमागबाट हटेको छैन । सोहीबिच शाहरुखको अर्को फिल्मको चर्चा सुरु भएको छ ।
सलमाले केही दिन अघि ‘टाइगर ३’ को टिजर आफ्नो सामाजिक सञ्जाल एकाउण्डमा सार्वजनिक गरेका थिए ।
फिल्म ‘टाइगर ३’ सन् २०२४ को दिपावालीमा हलमा रिलिज हुँदैछ । दुवै फिल्मबीच कुनै टकराब हुने भने छैन ।
धेरै समय अन्तरमा फिल्म रिलिज हुनेछ । फेरि पनि बलिउडमा शाहरुख हावी हुने नै देखिएको छ ।
‘पठान’ र ‘जवान’को बम्पर सफलतापछि शाहरुख आफ्नो ‘डिंकी’ को लागि चर्चामा छन् । सुपरस्टार शाहरुखको यो फिल्मलाई लिएर फ्यानमा निकै क्रेज छ ।
दुई फिल्मको सफलता पछि शाहरुखले पुनः आफूलाई बलिउडमा प्रमाणित पनि गरेका छन् । लामो समयपछि सिनेमामा फर्किएका शाहरुख ‘पठान’को कमाइपछि विगतको चार वर्ष बिर्सेको बताएका थिए ।
पहिले ‘‘पठान’ र त्यसपछि ‘जवान’ मार्फत शाहरुख खानले बलिउडमा २ हजार करोड भारतीय रुपैयाँ कमाइ गरेका छन् । अव उनको तेस्रो फिल्म ‘डंकी’ रिलिज हुदैछ । जसले यी दुवैको रेकर्ड तोड्ने बताइएको छ । ती फि्लमबाट एकै वर्ष तीन हजार करोड नघाउने शाहरुखको लक्ष छ । जुन पुरा हुने संकेत देखिएको छ ।
हालै शाहरुख ले सोसल मिडिया ह्यान्डल ट्विटरमा एसआरके सेसन राखेका थिए। जसमा आगामी फिल्म ‘डंकी’को ट्रेलर रिलिज चाडै हुने बताएका छन् ।
एसआरके सत्र पछि निर्देशक राजकुमार हिरानीले कमेन्टमा अब ट्रेलर देखाउनुपर्छ भनेका छन् । राजकुमार हिरानीको यो कमेन्टमा शाहरुखले प्रतिक्रिया दिँदै छिट्टै थिएटरमा भेटौँला भनेका छन् ।
हिरानी निर्देशित फिल्म ‘डंकी’ २२ डिसेम्बर २०२३ मा सिनेमा घरमा रिलिज हुँदैछ। क्रिसमसको अवसरमा शाहरुख खान ‘डंकी’ मार्फत सिल्भर स्क्रिनमा देखिने भएका छन् ।
यस फिल्ममा शाहरुखसँग अभिनेत्री तापसी पन्नु मुख्य भूमिकामा देखिनेछिन् । हिरानी हिन्दी सिनेमाका सबैभन्दा लोकप्रिय र सफल कथाकारहरूमध्ये एक हुन् ।