राजनीति एक भूलभुलैया र यसको मातमा
अपरिपक्क वाचाहरू प्रायः पूरा कम हुन्छन्
एक विशाल परिदृश्य, जहाँ शक्ति व्यापक छ
अनि आकांक्षाको लडाइँ, आशा व्यर्थमा छ ।
दलहरू उच्च बन्ने होडको अहंकारले
उद्दण्डता,नीतिहीनमा अघि-अघि भाग्छन्
जनताको बिन्ती कण भइ बिलाउँछ
पीडितको गुहार कुनाबाट चिहाउँछ ।
झोलेहरू कानेखुसी गर्दै व्यस्त हुँदा,
अपरिपक्वता नेपथ्यमा छट्पटाइरहेछ
गफका पानाहरु थपिएर डुंगुर भयो,
अब त जनताको अपेक्षा संजीवनी पर्खिरहेछ।
नीतिहरूमा बहस भयो तर प्रगति शून्य प्रायः
भौतिकता कुम्ल्याउने विलासीताको मातमताको जकडले
रामराज्य कंशराज्य बन्न पुग्दैछ ।
एकता र उद्देश्य विस्तारै टुक्रिदै गएको छ ।
यो उथलपुथलको बीचमा आशा अझै अवस्थित छ
परिवर्तनको चाहना गर्नेहरूको हृदयमा जीवित छ
जनताको आवाज बीचमा उठ्दै
न्याय, निष्पक्षता, पुनर्संरचनाको माग गर्दै ।
राजनीति, सारमा, उज्यालो हुनुपर्छ
उज्यालो बाटोतर्फ डोहोर्याउने ज्योति चुन्नुपर्छ
सुशासन भेटियोस् जहाँ सबैले उडान भर्न सक्छन्
इमानदारीले शासन गर्छन्, क्रोधलाई जित्छन्
शक्ति र बहसको यो चक्रव्यूहमा,
शारीरिक अपाङगता भएको देश सम्हाल्न आउने छन् ।
