-
-
-
-
मोरङ । कोशी प्रदेश सभा बैठकको कार्यसूची तय गर्न बसेको कार्यव्यवस्था समिति बैठक निष्कर्षविहीन बनेको छ ।
उपसभामुख सृजना दनुवार बिरामी बिदा लिएर काठमाडौं गएपछि बसेको बैठक बिना निष्कर्ष सकिएको हो ।
छलफलमा प्रदेश सभा बैठक कसले सञ्चालन गर्ने भन्ने विषयमा सहमति जुट्न नसकेको हो ।
बिहान बसेको बैठकमा सहमति हुन नसकेपछि १ बजेअघि फेरि बैठक बसेर सहमति खोजिने नेताहरूले बताएका छन् ।
कोशी प्रदेशका मुख्यमन्त्री उद्धव थापाले विश्वासको मत लिने कार्यसूची रहेको प्रदेश सभाको बैठकमा दनुवारले आफू बिरामी भएका कारण सभामा उपस्थित हुन नसक्ने जानकारी गराएकी हुन् ।
प्रदेश सभा बैठक दिउँसो १ बजे बस्ने तय भएको छ । अब मुख्यमन्त्री थापाले विश्वासको मत लिने प्रयोजनका लागि बस्ने भनिएको प्रदेश सभाको बैठक नै अनिश्चित बनेको छ।
